Тегерек стол: “Тоо-кен тармагындагы ачыктык жана санариптештирүү”

2026-жылдын 29-январында Кыргыз Республикасынын жаратылыш ресурстары, экология жана техникалык көзөмөл министрлигинин конференц-залында “Тоо-кен тармагындагы ачыктык жана санариптештирүү” темасында тегерек стол болуп өттү.

Иш-чаранын негизги максаты 2023–2024-жылдар аралыгында Тоо-кен тармактарындагы ачыктык демилгесинин (КТАД) ишке ашырылышынын жыйынтыктарын тааныштыруу, ошондой эле тоо-кен тармагында отчеттуулук жана лицензиялоо үчүн иштелип чыккан санариптик IT-модулдарды көрсөтүү болду. Тегерек столдун алкагында катышуучулар Кыргыз Республикасынын казып алуу секторунда санариптештирүүнүн жүрүшү жана башкарууну чыңдоо маселелерин талкуулашты.

Мындан тышкары, мамлекеттик органдар, бизнес-коомчулук, жарандык коом уюмдары жана өнүктүрүү боюнча өнөктөштөр ортосунда ачык диалог жүргүзүү үчүн аянтча түзүүгө өзгөчө көңүл бурулду.

Иш-чарага Кыргыз геология кызматынын директорунун орун басары А. Курманалиев, ошондой эле (КТАД) нун Байкоочу кеңешинин мүчөлөрү, жарандык коом уюмдарынын, компаниялардын, жалпыга маалымдоо каражаттарынын өкүлдөрү жана эл аралык өнөктөштөр катышты.