Кыр
Рус
2025-жылдын 25-августунда Кыргыз Республикасынын Жаратылыш ресурстары, экология жана техникалык көзөмөл министри М. Машиев Тажикстан Республикасынын биринчи Премьер-министринин орун басары Х. Холикзада жетектеген делегация менен жолукту.
Жолугушуунун жүрүшүндө М. Машиев конокторду жылуу тосуп алып, министрликтин ишмердүүлүгү, Тажикстан Республикасынын Экология министрлиги менен кызматташтыкта жетишилген ийгиликтер тууралуу маалымат берип, эки тараптуу мамилелерди чыңдоонун маанилүүлүгүн баса белгиледи.
Өз кезегинде Х. Холикзада бул визиттин жемиштүү мүнөзүн, эки өлкө ортосундагы мамилелердин оң динамикасын белгилеп, жылуу кабыл алуу жана министрликтин иши менен таанышуу мүмкүнчүлүгү үчүн ыраазычылык билдирди.
Жолугушууда министрдин орун басары – Кыргыз геологиялык кызматынын директору М. Жусупбеков презентация жасап, Кыргызстандын тоо-кен тармагынын потенциалы жана өлкөдөгү эң келечектүү кендер тууралуу кеңири маалымат берди.
Тажикстан Республикасынын өнөр жай министри Ш. Кабир кызматташтык боюнча меморандумду тез арада кол коюунун маанилүүлүгүн белгилеп, эки өлкөнүн тоо-кен өнөр жай тармагындагы тажрыйба алмашуу боюнча тактоочу суроолорду узатты. Өз кезегинде М. Машиев кендердин мүмкүнчүлүктөрү жана алтынды биргелешип иштетүү боюнча ири компаниялардын ортосунда маанилүү жолугушууларды уюштуруу пландары тууралуу кеңири айтып берди.
Жолугушуунун жыйынтыгында тараптар кызматташтыкты мындан ары да бекемдөө жана келечектүү долбоорлорду биргелешип ишке ашыруу ниеттерин тастыкташты.
